कट - Spicy curry (rassa)

Kat in English

वेळ: २५ मिनिटे
वाढणी: ३ जणांसाठी

साहित्य:
१/२ कप कांदा, बारीक चिरून
१ मध्यम टोमॅटो, चिरून
२ मध्यम लसूण पाकळ्या, बारीक चिरून
३ टेस्पून तेल
१ टीस्पून काश्मिरी लाल तिखट (रंगासाठी), १ टीस्पून साधे लाल तिखट (तिखटपणासाठी)
१/४ टीस्पून हळद, १/८ टीस्पून हिंग
१ टेस्पून कांदा लसूण मसाला
१ टीस्पून गरम मसाला
१/२ टीस्पून आमचूर पावडर
४ ते ५ कढीपत्ता
चवीपुरते मीठ
कोथिंबीर बारीक चिरून

कृती:
१) १ टेस्पून तेल पातेल्यात गरम करावे. लसूण घालून १० सेकंद परतावे. कांदा घालून पारदर्शक होईस्तोवर परतावे. कांदा परतल्यावर टोमॅटो आणि मीठ घालावे. टोमॅटो पूर्ण मऊ होईस्तोवर परतावा. आच बंद करून मिश्रण दुसऱ्या भांड्यात काढून ठेवावे.
२) मिश्रण मिक्सरमध्ये बारीक करावे. लागल्यास थोडे पाणी घालावे.
३) उरलेले २ टेस्पून तेल त्याच कढईत गरम करावे. हळद, हिंग, कढीपत्ता आणि लाल तिखट घालावे. लगेच कांदा-टोमॅटोची पेस्ट घालावी. गरजेपुरते पाणी घालून कटाची कंसीस्टन्सी सारखी करावी. आता कांदा लसूण मसाला, गरम मसाला, आमचूर पावडर आणि मीठ घालावे. काही मिनिटे उकळी काढावी.
हा कट मिसळ किंवा मासवडी यांबरोबर छान लागते.

तूप - Clarified butter at home

Clarified Butter (ghee) in English

वेळ: २५ ते ३० मिनिटे
२.२५ पौंड तूप (साधारण १ किलो तूप)

साहित्य:
३ पौंड अनसॉल्टेड बटर (मीठ विरहित)

कृती:
१) बटर रूम टेम्परेचरला येउ द्यात. बटर एका मोठ्या खोलगट अशा जाड बुडाच्या पातेल्यात घाला. मोठ्या आचेवर पातळ होवू द्यात आणि नंतर आच मिडीयम-हायच्या मध्ये ठेवा. तूप बनेस्तोवर पातेल्यावर लक्ष ठेवा, सुरुवातीला आच मोठी ठेवली असल्याने तूप उतू जावून अपघात होण्याची शक्यता असते. म्हणून मोठे खोलगट भांडे घ्यावे.
२) सुरुवातीला बटर वितळल्यावर बराच फेस दिसेल. हळूहळू फेस कमी होवू लागेल आणि तळाला सेटल होईल. (पूर्ण प्रोसेसला साधारण १५-२० मिनिटे लागतील.) (टीप १)
३) काही मिनीटांनी बुडबुडे पारदर्शक होतील. आणि बटरसुद्धा पारदर्शक होईल. असे झाले कि ४-५ मिनिटातच तूप तयार होईल. आता आच कमी करावी आणि तुपात थोडे पाण्याचे थेंब टाकावे. जर तूप चांगले कढवले गेले असेल तर पाणी पडताच तूप तडतडायला लागेल. म्हणजे तूप तयार झाले. जर तसे न घडल्यास आच मध्यम करावी. एक दोन मिनीटानी परत पाण्याचे थेंब घालून पहावे.
४) तूप कढवले गेले कि थोडेसे कोमट होवू द्यावे. आणि बारीक जाळीच्या मेटलच्या गाळण्याने गाळून घ्यावे. (प्लास्टिकचे गाळणे वापरू नये)
५) गाळल्यावर पातेले १० मिनिटे तिरके करून ठेवावे म्हणजे तूप ओघळून तळाला जमा होईल. हेही तूप वापरावे.
३ पौंड बटरमधून २.२५ पौंड तूप तयार होते. (१ किलो ३६० ग्राम बटरपासून साधारण १ किलो तूप मिळते.)


टीपा:
१) तूप कढवायला लागणारा वेळ हा कमी जास्त होवू शकतो. कारण जर बटर कमी घेतले किंवा आच मोठी ठेवली असेल तर तूप कमी वेळात होते.
२) तूप गरम असल्यास प्लास्टिकच्या गाळण्याने गाळले तर गाळणे वितळू शकते.
३) घरगुती लोण्यापासूनही तूप अशाच पद्धतीने बनवतात.

बेक्ड कृटॉन्स (गार्लिक फ्लेवर्ड) - Garlic Croutons

Croutons in English

वेळ: २० मिनिटे
वाढणी: ४ ते ५ सर्व्हिंग्स

साहित्य:
४ ब्रेड स्लाईस
२ टेस्पून ऑलिव्ह ऑइल
२ ते ३ चिमटी मीठ
१/२ टीस्पून लसूण पावडर (ऐच्छिक)
१/२ टीस्पून इटालियन हर्ब्ज (ड्राय)

कृती:
१) ब्रेड स्लाईसवर ऑलिव्ह ऑइल ब्रश करावे. प्रत्येक ब्रेड स्लाईसचे १२ लहान चौकोनी तुकडे करावे. जर मोठे कृटॉन्स हवे असतील तर ९ चौकोनी तुकडे करा.
२) ओव्हन ३०० F (१५० C) वर ७ मिनिटे प्रिहिट करावा.
३) ब्रेडचे तुकडे बेकिंग शीटवर पसरवावे. सिंगल लेयर करावा, तुकडे एकावर एक येऊ देवू नये. यावर इटालियन हर्ब्ज, लसूण पावडर आणि मीठ भूरभुरावे. ओव्हनमध्ये १५ मिनिटे बेक करावे. कृटॉन्स लाईट ब्राउन आणि आतपर्यंत कुरकुरीत होवू द्यावे. जर कृटॉन्स खालच्या बाजूला कुरकुरीत होत नसतील तर १० मिनिटानी कालथ्याने पलटावे आणि उरलेली ५ मिनिटे बेक करावे. कृटॉन्स ओव्हन बाहेर काढून गार होवू द्यावे.
कृटॉन्स सलाडमध्ये कुरकुरीतपणा आणण्यासाठी किंवा सुपबरोबर खायला छान लागतात.

टीपा:
१) कृटॉन्स पॅनमध्ये बनवू शकतो. कृतीतील पहिली स्टेप फॉलो करा. त्यानंतर त्यावर लसूण पावडर, मीठ आणि इटालियन हर्ब्ज भूरभूरावे. नॉनस्टिक तवा मंद आचेवर तापवून ब्रेडचे तुकडे कुरकुरीत होईस्तोवर परतावे. मध्येमध्ये कालथ्याने बाजू पलटावी.
२) ऑलिव्ह ऑईलऐवजी बटरसुद्धा वापरू शकतो.
३) जर इटालियन हर्ब्ज, लसूण पावडर नसेल तरी हरकत नाही. कृटॉन्स नुसते बटर आणि मीठ लावूनही चांगले लागतात.
४) तिखटपणासाठी रेड चिली फ्लेक्स घालून मग बेक करावे.

How to roast an Eggplant

i) over stove top:- If you have gas burner, rub little oil to eggplant and roast it on the flame. Turn it occasionally. (Note- Eggplant releases water after roasting, so it may leave stains on the burner. But those stains can be removed by scrubbing)

ii) in the Oven:- Preheat the oven at 450 F. Apply some oil all over the eggplant. Poke the eggplant a few times with a fork. Wrap it with aluminum foil. Put it in a baking tray and bake for 45 to 50 minutes. (It does cook the eggplant, but does not give smokey flavor)

iii) Use the barbecue grill to roast eggplant.

iv) in Fireplace (Tip) - Funny to hear but I actually roasted the eggplant in fireplace :). Apply some oil all over the eggplant. Poke the eggplant a few times with a fork. Wrap it with aluminum foil. Open the exhaust before starting fire. Now stack 2-3 logs in fireplace. Put 1 or 2 coconut shells at the bottom. Sprinkle 2 spoons oil over the logs. Place the eggplant in between so that it gets roasted evenly. Light the fire with some newspapers. After fire kicks up perfectly, eggplant will get roasted within 10 to 15 minutes. Remove the eggplant very carefully by using tong. BE CAREFUL WHILE USING THIS METHOD and taking the roasted eggplant out.

Tip:
1) I did not use 'starter fire logs' which are available in super markets, as I wasn't sure of what things and chemicals have been used to make them workable. It is better to use naturally fallen twigs.

Related Recipes
Baingan Bhurta
Baingan Bhurta in Yogurt
Tamarind flavored Baingan Bhurta

======================================================

i) गॅसवर: गॅसच्या शेगडीवर वांगं भाजण्यासाठी आधी वांग्याला किंचीत तेल चोळून घ्यावे आणि मध्यम किवा मोठ्या आचेवर भाजावे. मधेमधे वांगं फिरवावे म्हणजे सर्व ठिकाणी वांगं निट भाजले जाईल. (नोट- गॅसवर वांगं भाजताना वांग्यातील पाणी शेगडीवर पडून डाग पडतात. पण थोडे घासून स्वच्छ करता येते.)
ii) ओव्हनमध्ये: ओव्हन ४५० F वर प्रिहीट करावे. वांग्याला बाहेरून तेल लावून सुरीने किंवा काट्याने (Fork) काहीवेळा टोचावे. अल्युमिनीयम फॉइलमध्ये गुंडाळून ४५ ते ५० मिनीटे बेक करावे. (या पद्धतीने वांग्याचा आतील गर शिजतो पण थेट विस्तवावर भाजल्याने जो खमंग स्वाद येतो तो मात्र येत नाही.)

iii) बार्बेक्यु ग्रिलसुद्धा वांगं भाजायला वापरू शकतो.

iv) फायरप्लेस (टीप): ऐकायला मजेशीर वाटेल पण मी वांगं फायरप्लेसमध्ये भाजलं. वांग्याला तेल लावून काहीवेळा सुरीने किंवा काट्याने टोचून घ्यावे. अल्युमिनीयम फॉइलमध्ये व्यवस्थित घट्ट गुंडाळून घ्यावे. फायरप्लेसमध्ये वरच्या बाजूस धूर बाहेर जाण्यासाठी छोटी खिडकी असते ती प्रथम उघडावी. नंतर २ ते ३ जाडसर फांद्या फायरप्लेसमध्ये रचाव्यात. खाली १-२ नारळाच्या करवंट्या ठेवाव्यात. १-२ चमचे तेल फांद्यांवर शिंपडावे. जागा करून मधल्या जागी वांगं ठेवावे. आग पेटवावी. लागल्यास पेपर किंवा कार्डबोर्डचे तुकडे वापरून आग सुरू करावी. शेकोटी व्यवस्थित पेटल्यावर १० ते १५ मिनीटात वांग भाजलं जातं. वांगं भाजलं गेल्यावर अगदी सांभाळून पापड तळायच्या चिमट्याने बाहेर काढावे.

टीप:
१) वांगं भाजण्यासाठी बाजारात जो फायर स्टार्टर लॉग मिळतो तो वापरला नव्हता कारण तो बनवण्यासाठी कोणत्या गोष्टी किंवा रसायनं वापरतात ते माहीत नसतं. म्हणून झाडाच्या तुटलेल्या फांद्याच वापरल्या होत्या.

दह्यातील वांग्याचे भरीत
वांग्याचे भरीत
चिंचकोळाचे वांग्याचे भरीत

माखनी ग्रेव्ही - Makhani Gravy

Makhani Gravy in English

वेळ: २० ते २५ मिनिटे

साहित्य:
५ मोठे टोमॅटो, लालबुंद आणि रसदार
१ टिस्पून गरम मसाला
१ टेस्पून आलेलसूण पेस्ट
१ टिस्पून लाल तिखट
१ टिस्पून कश्मीरी रेड चिली पाउडर किंवा चिमूटभर लाल रंग
१ टिस्पून धणेपूड
१/२ टिस्पून कसूरी मेथी
१/२ टिस्पून जिरेपूड
२ टिस्पून लिंबू रस
१/४ ते १/२ कप हेवी क्रीम
चवीपुरते मिठ
२ टेस्पून बटर
१/२ टीस्पून साखर (ऐच्छिक)

कृती:
१) टोमॅटो मोठ्या खोलगट काचेच्या भांड्यात ठेवावे. टोमॅटो बुडेस्तोवर पाणी घालावे. ५ ते ७ मिनिटे मायक्रोवेवमध्ये शिजवून घ्यावे. पाणी काढून घ्यावे. आणि फक्त टोमॅटो काढून मिक्सरमध्ये प्युरी करून घ्यावी. हि प्युरी गाळून त्यातील बिया आणि साले काढून टाकावीत.
२) पॅनमध्ये बटर गरम करून त्यात आले-लसूण पेस्ट आणि लाल तिखट घालावे.१० ते १५ सेकंद परतावे. यात गाळलेली टोमॅटो प्युरी, धणे-जिरेपूड, कसूरी मेथी, मीठ आणि लिंबाचा रस घालावे. १० मिनिटे मंद आचेवर ढवळावे.
३) टोमॅटोचा कच्चा वास गेला कि गॅस बंद करावा. हे मिश्रण थोडे कोमट होवू द्यावे. ब्लेंडरमध्ये घालावे. ७-८ सेकंद ब्लेंड करावे. २-३ टेस्पून हेवी क्रीम घालून ब्लेंड करावे. अशाप्रकारे थोडेथोडे क्रीम घालून ब्लेंड करत राहा. ग्रेव्ही हवी तेवढी क्रिमी झाली कि क्रीम घालणे थांबवावे.
४) हि ग्रेव्ही परत पॅनमध्ये घालावी आणि एकदम मंद आचेवर साधारण ५ मिनिटे गरम करावी.
हि ग्रेव्ही पनीर माखनी किंवा बटर चिकन बनवण्यासाठी वापरू शकतो.

 टीपा:
१) थोडीशी साखर घातल्याने चव छान लागते.
२) लिंबू रसाऐवजी चिमुटभर सायट्रिक  आम्ल घालावे. टोमॅटो जर आंबट असतील तर लिंबाचा रस किंवा सायट्रिक आम्ल यांचे प्रमाण कमी करावे.
३) या रेसिपीमध्ये १/४ कप काजूची पेस्ट करून घातल्यास दाटपणा छान येतोच आणि चवही छान लागते. 

मसाल्याची गोळी - Masalyachi Goli

Masala Goli in English

वेळ: १५ मिनिटे
१० ते १२ गोळ्या

साहित्य:
१ कप ओलं खोबरं किंवा सुके किसलेले खोबरे
१ टिस्पून तेल
२ टिस्पून लाल तिखट किंवा ६-७ लाल सुक्या मिरच्या
१ टिस्पून बडिशेप
७ ते ८ मोठ्या लसणीच्या पाकळ्या
चवीपुरते मिठ
१ टिस्पून धणेपूड

कृती:
१) १ टिस्पून तेल गरम करून त्यात ओलं खोबरं किंवा सुकं किसलेलं खोबरं खरपूस भाजून घ्यावे. जर ओलं खोबरं वापरत असाल तर चांगले सुकेस्तोवर परतावे नाहीतर टिकत नाही.
२) नंतर यात बडीशेप, लसूण, धणेपूड, लाल तिखट/ लाल मिरच्या आणि मिठ घालून एकदम बारीक वाटून घ्यावे. पाणी घालू नये म्हणजे आठ-पंधरा दिवस सहज टिकतील.
याच्या १ टेस्पूनच्या गोळ्या बनवून ठेवाव्यात. लागेल तसे भाजी आमटीमध्ये वापरता येते तसेच चवही छान येते.

व्हाईट सॉस - White Sauce

White Sauce in English

वेळ: १० मिनिटे
साधारण १ कप व्हाईट सॉस

साहित्य:
२ टेस्पून बटर
३ टेस्पून मैदा
दीड कप गरम दूध
२ चिमटी मीठ
१ टीस्पून साखर

कृती:
१) पॅनमध्ये बटर गरम करावे. बटर वितळले कि मैदा घालून मध्यम आचेवर एक-दोन मिनिटे परतावे. सतत परत राहा. परतायचे थांबल्यास मैदा जळेल. मैद्याचा रंग हलका गुलाबी आला पाहिजे. जास्त गडद रंग आल्यास सॉसचाही रंग बदलेल.
२) मैदा परतल्यावर त्यात गरम दुध घालून ढवळावे म्हणजे गुठळ्या होणार नाहीत. सॉस दाट होईतोवर ढवळावे.
३) मीठ आणि साखर घालून मिक्स करावे. गॅस बंद करून व्हाईट सॉस लगेच वापरावा.

उपवासाची भाजणी - Upvasachi Bhajni

Upasachi Bhajani in English

वेळ: ३० ते ४० मिनिटे
३०० ग्राम भाजणी

साहित्य:
१०० ग्राम साबुदाणा
दिडशे ग्राम वरी तांदूळ
१०० ग्राम राजगिरा
१ टीस्पून जिरं

कृती:
१) साबुदाणा, वरी तांदूळ, आणि राजगिरा गुलाबी रंग येईस्तोवर मंद आचेवर वेगवेगळे भाजावे.
२) भाजलेले सर्व जिन्नस एकत्र करावे. त्यात जिरे न भाजताच घालावे.
३) मिक्सरमध्ये एकदम बारीक करावे किंवा गिरणीतून बारीक दळून आणावे.

टीपा:
१) साबुदाणा भाजण्यापूर्वी त्याला १ टीस्पून तूप लावून घ्यावे म्हणजे भाजताना कढईला चिकटणार नाही.
२) साबुदाणा, वरी, राजगिरा खूप जास्त रंग बदलेस्तोवर भाजू नये. त्यामुळे भाजणीचा रंग डार्क येतो आणि चवही चांगली नाही.
३) जिरे भाजू नये. कच्चेच घालून भाजणी दळावी.
४) आवडीनुसार साबुदाणा, वरी, राजगिरा यांचे प्रमाण कमीजास्त करू शकतो. बऱ्याच जणांना साबुदाण्याचा त्रास होतो. त्यांनी साबुदाणा कमी करून वरी किंवा राजगिरा यांचे प्रमाण वाढवावे.

कोल्हापूरी मसाला - Kolhapuri Masala

Kolhapuri Masala in English

वेळ: १५ ते २० मिनीटे
साधारण पाऊण ते १ कप मसाला

साहित्य:
१ कप सुक्या लाल मिरच्या
१/२ कप सुक्या खोबर्‍याचा किस
२ टेस्पून तीळ
१ टेस्पून धणे
१ टेस्पून जिरे
१ टेस्पून काळी मिरी
१ टिस्पून मोहोरी
१ टिस्पून मेथीदाणे
२ तमालपत्र
१ टिस्पून लवंग
१ टिस्पून तेल
१/४ टिस्पून जायफळपूड
२ टेस्पून काश्मिरी लाल तिखट

कृती:
१) कढईत वरील सर्व मसाले [’काश्मिरी लाल तिखट आणि जायफळ पूड’ वगळून] एकत्र करावे. लाल तिखट आणि जायफळ पूड आपण शेवटी मसाला तयार झाल्यावर त्यात घालायचे आहे.
२) मिक्स केलेल्या सर्व मसाल्यांना १ टिस्पून तेल हलकेच चोळून घ्यावे. मिडीयम हाय आचेवर हे सर्व मसाले भाजून घ्यावे. भाजताना कालथ्याने सतत ढवळावे.
३) मिरचीच्या कडा थोड्या काळ्या होतील, मोहोरी तडतडेल, धणे-जिरे-तिळ थोडे ब्राऊन होईल. असे झाल्यावर मसाले भाजले गेलेत असे समजावे. तसेच मसाले भाजले गेल्याचा छानसा वासही येईल. मसाले खुप काळपट भाजू नयेत किंवा करपवू नयेत.
४) भाजलेले मसाले लगेच दुसर्‍या ताटात पसरवून ठेवावेत. गार झाले कि मिक्समध्ये बारीक वाटावेत. तयार मसाल्यात जायफळ पूड आणि रंगासाठी २ टेस्पून काश्मिरी लाल तिखट घालावे.
तयार मसाला घट्ट झाकणाच्या काचेच्या किंवा प्लास्टिकच्या बरणीत भरून कोरड्या जागी ठेवावा.

टीपा:
१) लाल तिखट मिरच्या वापराव्यात. मी १/२ कप तिखट लाल मिरच्या आणि १/२ कप काश्मिरी मिरच्या वापरल्या होत्या. काश्मिरी लाल मिरच्यांना फारसा तिखटपणा नसतो. पण रंग फार सुरेख येतो. म्हणून १ कप मिरच्या कशा प्रमाणात घ्यायच्या किंवा पूर्ण लाल तिखट मिरच्या घ्यायच्या ते आवडीनुसार ठरवावे.
२) मसाले पूर्ण गार होत नाहीत तोवर मिक्सरमध्ये बारीक करू नयेत. जर केल्यास मसाल्याला दमटपणा येतो आणि मसाला मोकळा रहात नाही.

कडबोळी भाजणी - Kadboli Bhajani

Kadboli Flour in English

साधारण १ ते दीड किलो भाजणी

साहित्य:
१ किलो तांदूळ
२०० ग्राम हरभरे
२०० ग्राम उडीद डाळ, सालासकट
१ कप गहू
५० ग्राम धणे
२ टेस्पून जिरे

कृती:
१) वरील सर्व साहित्य वेगवेगळे, मध्यम आचेवर खमंग भाजून घ्यावेत.
२) भाजून गार झाले कि एकत्र करून सरसरीत दळून आणावे.

कडबोळी रेसिपी इथे क्लिक करा.

टिप:
१) उडीद डाळ सालासकट घ्यावी किंवा अख्खे (सालासकट) उडीद घ्यावे. यामुळे खमंग पणा वाढतो.
२) साहित्य खमंग भाजताना खूप जास्त काळपट होणार नाही याची काळजी घ्यावी. यामुळे पदार्थ कडवट लागतो.
३) जर घरी दळण यंत्र असेल तर त्यावर किंचीत सरसरीत दळा. किंवा जवळपासच्या गिरणीत दळायला द्या.

साबुदाणा कसा भिजवावा?

How to Soak Sabudana in English

साबुदाणा कसा भिजवावा?

साबुदाणा भिजवताना प्रथम साबुदाणे एका स्टीलच्या पातेल्यात किंवा काचेच्या मध्यम बोलमध्ये घ्यावे. अगदी किंचीत कोमट पाणी घेऊन हलक्या हाताने १० ते १५ सेकंदच धुवावे. धुतलेल्या साबुदाण्यातील पाणी काढून टाकावे आणि साबुदाण्याच्या पातळीवर १/२ सेंमी राहील इतकेच पाणी घ्यावे. झाकण ठेवून साधारण ४ तास भिजू द्यावे. भिजल्यावर साबुदाण्याचे दाणे पुर्ण भिजले गेले पाहिजेत तसेच प्रत्येक दाणा मोकळा राहिला पाहिजे.

साबुदाणा खिचडीच्या रेसिपीसाठी इथे क्लिक करा
तसेच इतर साबुदाण्याचे पदार्थ

टीप:
१) साबुदाणा गरम पाण्यात भिजवू नये. यामुळे साबुदाणा चिकट होतो.
२) बर्‍याचदा साबुदाण्याच्या क्वालिटीवर साबुदाणा भिजवणे अवलंबून असते. कधी-कधी साबुदाणा पिठूळ असतो आणि पाणी जास्त शोषत नाही. अशावेळी साबुदाणा धुवून घ्यावा आणि त्यातील पाणी काढून टाकावे. अधिकचे पाणी घालू नये. झाकण ठेवून ३ तास साबुदाणा भिजू द्यावा.
३) साबुदाणा भिजवल्यावर नेहमी झाकून ठेवावा, नाहीतर पाणी शोषले गेल्यावर साबुदाण्याचा वरचा थर कोरडा पडतो.

पोळ्यांची कणिक - Dough for Chapati

Dough for Chapati in English



साहित्य:
१ कप कणिक
१ टिस्पून तेल + अजून थोडे तेल
चिमूटभर मिठ
कोमट पाणी

कृती:
१) कणकेमध्ये तेल आणि मिठ घालून निट मिक्स करावे. कोमट पाण्याने कणिक मऊसर मळून घ्यावी. लागल्यास थोडे तेल घेऊन कणिक व्यवस्थित तिंबून काढावी.
२) १० मिनीटे मळलेली कणिक झाकून ठेवावी. नंतर परत एकदा मळून घ्यावी. मळलेल्या कणकेचे ६ मध्यम गोळे करून घ्यावे.

टीप:
१) कणिक खुप घट्ट मळू नये, पोळ्या कडक होतात. तसेच एकदम सैलही मळू नयेत. यामुळे लाटताना पोळी हाताळणे कठिण होते.
२) पोळ्यांची संख्या हि पोळीच्या आकारावर आणि जाडीवर (thickness) वर अवलंबून आहे.

Labels:
Chapati, roti, dough for chapati, Wheat flour atta.