वेळ: ३० मिनिटे
वाढणी: ४ जणांसाठी
साहित्य:४ पिटा ब्रेड
१/२ कप पिझ्झा सॉस
१ लहान कांदा, गोल चकत्या करून त्या सोडवून रिंग्स कराव्यात
१ लहान भोपळी मिरची, पातळ उभे काप
५-६ मश्रूम्स, पातळ काप
२ टेस्पून स्वीट कॉर्न, उकडलेले
१ कप मोझेरेला चीज, किसलेले
१/२ टीस्पून रेड चिली फ्लेक्स
१/४ टीस्पून इटालियन सिझनिंग
२ टीस्पून ऑलिव्ह ऑइल
चवीपुरते मीठ
कृती:
१) ओव्हन ४०० F वर १० मिनिटे प्रीहीट करावे
२) एक पॅन गरम करून त्यात एक टीस्पून ऑलिव्ह ऑइल घालून त्यात कांदा, भोपळी मिरची, मश्रूम्स, आणि स्वीट कॉर्न घालून १ मिनिट परतावे. त्यावर थोडे रेड चिली फ्लेक्स, मीठ आणि इटालियन सिझनिंग घालावे. मिक्स करून एका प्लेटमध्ये काढून ठेवावे.
३) पिटा ब्रेडला थोडे ऑलिव्ह ऑइल ब्रश करून घ्यावे. पिटा ब्रेड बेकिंग शीटवर ठेवून ओव्हनमध्ये २-३ मिनिटे गरम करून घ्यावे.
४) बाहेर काढून त्यावर पिझ्झा सॉस लावावा. प्रत्येक पिटा ब्रेडवर साधारण ४ ते ६ टेस्पून चीज घालून त्यावर परतलेल्या भाज्या घालाव्यात.
५) पिटा ब्रेड ओव्हनमध्ये ठेवून साधारण ८ मिनिटे बेक करावे किंवा चीज वितळून लाईट ब्राउन झाले कि बाहेर काढावे.
गरमच सर्व्ह करावे.
टीपा:
१) आपल्या आवडीनुसार दुसरी टॉपिंग्जसुद्धा वापरू शकतो. जसे अननसाचे छोटे तुकडे, ब्लॅक ऑलिव्ज, अल्पिनो पेपर्स, ब्रोकोली इत्यादी.
