कडबोळी भाजणीची रेसिपी येत्या गुरूवारच्या पोस्टमध्ये नक्की पाहा!
नग: ३५ ते ४० कडबोळ्या
वेळ: ४० मिनीटे
साहित्य:सव्वा कप कडबोळीची भाजणी - कडबोळी भाजणीची रेसिपी
सव्वा कप पाणी
१ टिस्पून तिळ
१ टिस्पून ओवा
दिड टिस्पून तिखट
१/४ टिस्पून हिंग
१ टिस्पून मिठ किंवा चवीनुसार
१ टिस्पून तेल
तळण्यासाठी तेल
कृती:
१) सव्वा कप पाणी गरम करण्यास ठेवावे. त्यात तिळ, ओवा, तिखट, हिंग, मिठ, तेल घालून ढवळावे.
२) पाण्याला उकळी आली कि गॅस बंद करून त्यात कडबोळीची भाजणी घालावी. चमच्याने मिकस करावे. वरती झाकण ठेवून ५ ते ८ मिनीटे वाफ मुरू द्यावी.
३) नंतर कोमट पाण्याचा हात घेऊन पिठ मऊसर मळून घ्यावे.
४) पिठाचा एक ते दिड इंचाचा गोळा घेऊन त्याची एकसंध लड वळावी (साधारण रूंदी १ सेमी) आणि लडीच्या एका टोकाभोवती उरलेली लड गोलाकार फिरवून कडबोळी बनवावी.
५) तळणीसाठी तेल गरम करून कडबोळ्या तळून घ्याव्यात (टीप).
टीप:
१) कडबोळ्या तळताना आच मिडीयम आणि हायच्या मधे असावी. कडबोळी तळताना तेलाचे बुडबूडे कमी होवून कडबोळी खाली बसायला लागली कि ती निट तळली गेली आहे हे समजावे. तसेच खुप काळी होईस्तोवर तळू नये चव कडसर लागते.
0 comments:
Post a Comment