Vegetable Kabab in English
वेळ: ४० मिनिटे
वाढणी: ४ ते ५ जणांसाठी
साहित्य:
३ मध्यम बटाटे, उकडलेले
१ मोठे गाजर, किसलेले
फरसबी १० शेंगा, बारीक चिरून
१/४ कप भोपळी मिरची, बारीक चिरून
१/४ कप मटार, उकडलेले
१/४ कप स्वीट कॉर्न, कॅनमधील
२ टेस्पून कोथिंबीर, बारीक चिरून
१ टेस्पून कॉर्न स्टार्च
२ टीस्पून आलेलसूण पेस्ट
दीड टीस्पून गरम मसाला
१ टीस्पून काश्मिरी लाल तिखट
१ टेस्पून हिरवी मिरची पेस्ट
चवीपुरते मीठ
२ ते ३ टेस्पून तेल, कबाब शेकण्यासाठी
४ ते ५ स्क्युअर्स
कृती:
१) नॉनस्टिक पॅन गरम करून त्यात १ टीस्पून तेल गरम करावे. त्यात आलेलसूण पेस्ट परतावी. नंतर त्यात फरसबी आणि गाजर घालून २-३ मिनिटे मध्यम आचेवर परतावे.
२) एका लहान वाटीत कॉर्न स्टार्च आणि २ टेस्पून पाणी घालून मिक्स करावे. हे मिश्रण पॅनमध्ये घालावे. निट मिक्स करून पॅन वर झाकण ठेवावे. काही मिनिटे शिजू द्यावे.
३) नंतर मीठ, मटार आणि स्वीट कॉर्न घालावे. ३-४ मिनिटे शिजवून गॅस बंद करावा.
४) बटाटे सोलून कुस्करून घ्यावे. त्यात कोथिंबीर, लाल तिखट, हिरवी मिरची आणि मीठ घालावे. यामध्ये शिजवलेले भाज्यांचे मिश्र घालावे. हे मिश्रण ४ ते ५ समान भाग करावे.
५) मिश्रणाचा एक मध्यम गोळा घ्यावा. स्क्युअरच्या भोवती घट्ट चेपून लावावा. कबाब तयार करावेत. प्रत्येक कबाबवर तेल लावावे.
६) नॉनस्टिक पॅन गरम करून त्यावर थोडे तेल लावावे. मध्यम आचेवर कबाब भाजून घ्यावे. दर २-३ मिनीटांनी कबाब थोडे फिरवावेत. अशाप्रकारे सर्व बाजूनी कबाब खरपूस भाजून घ्यावे.
कबाब गरमागरम सर्व्ह करावे. सर्व्ह करताना कांद्याच्या चकत्या, टोमॅटोच्या चकत्या यांवर थोडे लिंबू पिळून आणि मीठ भुरभुरून द्यावे.
Thursday 22 March 2012
Subscribe to:
Post Comments (Atom)
0 comments:
Post a Comment